Иса Байзақов атындағы ЖОББ мектебінде 2026 жылғы 30 наурызда «Білім алушыларды мемлекеттік қорытынды аттестаттау» тақырыбында ата-аналар жиналысы өткізілді. Жиналыстың мақсаты — түлектердің ата-аналарын мемлекеттік қорытынды аттестаттауды өткізу тәртібімен ақпараттандыру, нормативтік талаптармен, емтихандарды өткізу мерзімдерімен және нысандарымен таныстыру. Жиналыс барысында келесі мәселелер қаралды: • МҚА өткізудің нормативтік-құқықтық базасы; • мемлекеттік қорытынды аттестаттау нысандары; • емтихандарды өткізу мерзімдері; • білім алушыларды МҚА-ға жіберу тәртібі; • емтихандағы өзін-өзі ұстау ережелері; • білім беру процесіне қатысушылардың жауапкершілігі; • емтихандарға дайындық және тапсыру кезеңінде балаларға психологиялық қолдау көрсету бойынша ұсынымдар. Мектеп әкімшілігі мен педагогикалық қызметкерлер ата-аналарға емтихандарды өткізу ерекшеліктерін түсіндіріп, көкейкесті сауалдарға жауап берді, сондай-ақ білім алушыларды дайындау бойынша практикалық ұсыныстар берді. Жиналыс қорытындысы бойынша ата-аналарға жадынамалар мен ақпараттық материалдар таратылды.